通脹

財爺話年尾通縮，但呢排我網上睇得最多的係通脹，因為有置業需要，呢排睇得最多係樓，買樓依家其實唔係一個好時機，係群眾角度睇，睇升的人絕對比睇跌的人多，係銀行角度睇，係盡量多做按揭，有幾多做幾多，九成半更加歡迎。
至於首富李先生的一句「量力而為」，亦都係為呢啲借到盡的買家講，如果通脹真的到來，加息係事在必行，可能出年就會加返息都唔奇，至於惡性通脹的話，就真係唔知會加幾多厘息啦。最開心的當然係銀行，蝕頭賺尾招數又建功。
另外，資金究竟幾時先會走，當利率高於股市的回報率時，熱錢會走。至於長線投資係咪要長期持有，就真係要睇下個波吹到幾大啦，仲有一樣係取決於個人性格，判斷力（對股票的估值）和決斷力（最高位出現時間通常好短，尖頂圓底），忍耐力（沽出後再上升堅持不再買入），所以長期持有做個懶人亦都有好處，人性的弱點，大部分人愈多錢係身愈容易做錯事。