鷹美國際（2368）

係金融海嘯下，公司業績倒退係正常，而業績增長的要記住，至於業績大幅增長的，絕不可以忘記，市場雖然會對業績好的公司有所反應，但反應通常係不大。
鷹美國際於08年11月公佈業績，截至2008年9月止半年度，集團營業額上升58.7%至6.11億元，股東應佔溢利上升86%至9301萬元，毛利率上升3.2個百分點至25.5%。派發的中期息係12仙，增長7成，當時的股價係幾多，業績公佈前嗰日係0.86，公佈後收市價係1.21元，只係收市價中期都有十厘股息，之後鷹美可以講未威過，但呢份業績絕對令我印象深刻，亦令我係Cup兄看誰跑得快遊戲中，選了鷹美國際。
值得一提係鷹美係下半年業績應該會放緩，主要原因係奧運已過，加上金融危機，但亦會受惠原材料價格回落，成本回穩，最重要一點係裕元作為大股東，會加強鷹美的管理，提升毛利率，介紹新客戶，對開拓新市場亦有幫助，係中期業績已見成效（中國業務營業額相對下降）。
今星期鷹美大幅上升，我相信係因為裕元公佈業績關係，裕元業績輕微倒退，但營業額係上升的，鷹美如能將營業額化為利潤，係七月中公佈的末期業績絕對令人期待。
至於遊戲中最難以估計的對手，我會選當市況好時，市場係可以接受一隻無盈利而過千倍PE的蒙古能源，而另一隻係有盈利而過百倍PE的阿里巴巴。

http://hk.myblog.yahoo.com/Chui-Cup/article?mid=14031