檢討組合

中移動（0941）
雖然不在組合之中，上客量放緩，每戶收入下降，但未來幾年相信仍然會保持增長，雖然高增長過去，電訊行業增長的階段，上客量，通話量，增值業務，中移動已經走到最後階段，前兩者開始放緩，增值業務仍處開始階段，要再經歷高增長，只有靠唔可靠的3G數據業務。

交通銀行（3328）
業務平穩，只係不良貸款餘額年年上升，靠貸款規模上升令不良貸款比率下降唔係一件好事，只樣係六行裏面基本係一樣。

招商銀行（3968）
09年首季業務倒退，淨息差下降，全年業務有機會會倒退，或者持平，明年恢復增長。集資難免，出年有機會再送紅股，可以派少啲息。損失類貸款雖係六行之冠，但不良貸款餘額減少亦係六行之冠，最重要係六行係計算不良貸款分類時的準則是否一樣，國有銀行計算時會唔會手鬆啲呢，無人知。

滙豐控股（0005）
供股集資，我係估滙控唔會供股，供股本身無問題，只係時機選錯咗，最令人不滿係結束美國業務，要結束點解唔一早結束呢，管理層失去咗前瞻性先係問題。美國信用卡業務係另一隱憂。未來前景信心雖然不變，但要股價創新高，至少要三年呢。

中國人壽（2628）
今年投資收益穩定，保費收入持平，保單質量回升，期持中期業績。

中國平安（2318）
經歷了失敗的一年，投資富通係過度自信加過度集中，結果係一舖輸清，業務回歸原點，保費收入增長強勁，希望唔係犧牲利潤爭取保單收入，有望恢復派息。

比亞迪（1211）& 阿里巴巴（1688）
市場對兩股的估值信心十足，能夠有超過30倍PE的公司，現今真係唔多，係美國車廠有機會破產之下，比亞迪的世界之一的夢想機會大咗，至於阿里巴巴，如果首季業績有三成以上增長的話，可以話當經濟回升，每年增長五成以上係絕對唔出奇的。

思捷環球（0330）
末期業績應收帳增加，換咗管理層，有待觀察。

內房股
內房股銷售金額倍數上升，經濟好時都無咁多生意，依家竟然倍升，奇怪。

以上股票並未全部持有。