長江生命科技

長江生命科技是一隻股價長年不見天日，不斷創新低，上市以來從未派發股息的股票，可以算是毫無投資價值。
不過係營業額方面，自從業務轉營（生態化肥和保健業務）之後，可以話以不正常速度上升，今年虧損主要來自投資業務減值。
以和黃全球的分銷網絡（屈臣氏），保健業務係比較有優勢，買咗食咗都唔知，真係一啲都唔出奇。

以往賺唔到錢都係因為藥物研發，等到倒錢落海，一千種研究，最後能夠有一種開發成功的話（偉哥和特敏福），依家呢兩隻成功的話，就同每個禮拜中六合彩頭獎無分別啦。
醫藥項目：年內，集團以河豚毒素為基礎的痛楚舒緩產品已邁進後期研究階段，同時在美國，一項治療黑色素瘤之疫苗亦已進入後期研究階段。

如果只靠化肥和保健業務的營業額維持高增長，不靠醫藥項目，股價重見天日（招股價計埋之前供股），樂觀啲都睇怕無十年都要八年，真係笑話。
招股價同嘉湖山莊出貨價一樣絕。
睇電視節目訪問鄺美雲，佢話高峰時期持有物業雙位數字，賣樓時佢都希望買佢樓的人都會賺到錢，唔會係最高價放售，聽到個感覺好唔同。