新不如舊

近來不斷有新股上市，香港人都熱衷抽新股，而係貨疏錢多的情況下，新股首日普遍都上升，就係因為貨源少，所以除非借孖展，否則真係同買六合彩無咩分別，都幾難中，係眾多上市的新股中，除了霸王，我相信沒有多少人能清楚公司的業務，抽純粹係為咗搵快錢。
恒指無錯係萬八點，好多人都話會調整幾多幾多，但仲有好多優質公司的股票係好合理，想買幾多都得，唔使同人爭。
以渣打為例，公佈咗首五月營運數據，業績算唔錯，但估值處於歷史低位。
而滙豐，以現價六十幾元計，萬一億市值，市場預期盈利會重返年賺千億以上，盈利增長超過一倍，但盈利增長已經反映係股價裏面（滙豐PE係17點幾倍 渣打係9點幾倍），而滙豐今年會有供股攤薄效應。
內房股有好多開始創一年高位，內地係加息之前，應該仲會不斷創新高，中國海外應該係最快創歷史高位的內房股。
如果可以持有幾年，內地銀行和保險股係現水平，值博率比抽新股高好多倍。