恒指市盈率

恒指市盈率於2009年6月底是15.25倍，息率是3.64厘（來源：恒指服務公司），以股息率計，比銀行存款吸引，但不算高息，而15.25倍市盈率算是合理，但今年恒指市盈率究竟可以增長幾多呢。
恒指係2008年3月底，2007年度企業盈利高峰期，當時每股盈利高達1700點，現時是1240點，倒退了兩成七。而2008年度盈利嚴重倒退甚至虧損的公司有滙豐控股（0005）倒退七成、東亞銀行（0023）倒退九成九、中信泰富（0267）虧損126億、國泰航空（0293）虧損85億、富士康（2038）倒退八成三、中國平安（2318）倒退九成八、中銀香港（2388）倒退七成八。中國鋁業倒退九成九。主要受投資減值和撥備的影響。而2008年度仍有盈利增長的公司則有中移動和一眾內銀股。

2009年盈利預測
香港地產股業績應該非常理想，不計算物業重估甚至07年度盈利更高。
內地銀行股盈利本來可以有增長，但受制於銀監要求將商業銀行撥備覆蓋率年內必須達到150%，內銀股盈利可能只有輕微增長或持平。
東亞銀行方面，雷曼撥備金額輕微，衍生工具又全數撥備，盈利將復甦。
中銀香港係雷曼重災區，上年撥備8億，今年可能要持續，雖然依家迷債有價，如果唔係都唔會有六成加一成的賠償方法，但專業投資者不獲賠償可能會有法律訴訟，今年可能會全數撥備，盈利方面，係賣唔到投資產品情況下，銀行加手續費都已經係例行公事，中銀收存倉費的方法已經改變，而新股熱都帶動到銀行非利息收入，中銀盈利亦會恢復增長。
保險股盈利創新高可能係兩年內的事。
中移動今年雖然增長輕微，盈利會續創新高。
中信泰富唔會再炒燶外滙事件，今年應該會有正常盈利。
滙豐方面，會唔會有因供股令會計安排會出現一次性47億美元虧損真係唔重要，因為只係會計方式，最重要係核心盈利有冇增長，市場給予滙豐接近20倍市盈率多年未見（渣打只係11倍），而美國方面銀行股盈利亦都唔錯，估計市場對滙豐盈利增長應該樂觀。
中國鋁業半年虧損。
公用股盈利應該唔會相差好遠。
石油股盈利難返07年高峰。
國泰航空的盈利真的好難預計，不過油價係現水平應該唔會再有重大減值。
富士康係盈利係最高峰入恒指成份股，之後每況愈下，未派過股息，恒指服務公司以市值和成交作為入選方式，其實唔全面，作為藍籌公司，應該對股東負責任，所以派息亦應該作為入選條件之一，因為對盈富基金的派息亦有影響。
作為發鈔銀行，渣打因為成交量不足亦拒，成交量不足亦可以解作多長線投資者參與，所以渣打應該入選。

恒指每股盈利1240點相信會有增長，但應該唔會超越1700點。2009年度如果以1500點計，恒指15倍市盈率係22500點。

恒指PE
Jan 2009
7.80
Feb 2009
7.61
Mar 2009
11.24
Apr 2009
12.94
May 2009
15.15
Jun 2009
15.25