小飛俠

《阿童木》上映3日便在中國內地創下了近4000萬元人民幣的票房記錄，然而美、日市場票房慘淡的壞消息，卻導致電影制作商意馬國際（0585）股價大跌。
意馬是次推出的《阿童木》製作成本高達6500萬美元（約5億港元），如用荷里活比較，製作成本可能算平，由於《忍者龜》的成功，今次製作加大投資令成本倍增，公司亦要配股和供股。
只得內地票房報捷，係唔足夠的，以《麥兜 响噹噹》為例，在內地票房收個滿堂紅，累計票房收逾7000萬元。
而《响噹噹》製作費約為1200萬元，獲電影發展基金資助約360萬元，原來戲院拆帳除稅後只分得約2400萬元，然後再減宣傳及發行費，七除八扣下只分得約700萬元，再加上DVD及電視版權等500萬元的收入，內地市場才能夠回本。（資料來源：明報）
即係話《阿童木》連收回成本都有難度，股價大跌代表市場投不信任票。
《阿童木》的失敗可能係管理層的野心太大，係全球上影，但影片未有針對核心市場，《阿童木》係美國票房欠理想係正常，以往《final fantasy》的失敗經驗，證明了美國市場對日本漫畫和動漫的接受程度只係一般，如果主力係美國市場，最理想的做法係製作《忍者龜2》，有第一集的成功，係最能夠為消費者所接受。
至於日本市場反應欠佳亦十分合理，影片中的《阿童木》完全破壞了日本人童年時心目中的形象，正如我唔會睇《龍珠》真人版一樣，可以用恐怖來形容。
《阿童木》係內地創下票房紀錄，顯示了內地對動畫龐大的需求，不論係2D或者3D的動畫，以往內地都缺少，只係一個中國市場都可以話商機無限。
選擇《阿童木》為題材，用荷里活班底的《阿童木》製作費高昂，意馬由兩年前開始已經注定了失敗。
其實，我係好希望《阿童木》係可以成功，如果《阿童木》可以成功，對香港推動創意產業的發展係有好大的幫助，畢竟意馬的動畫師係香港製造。
對於《阿童木》，我總係覺得叫《小飛俠》先夠親切。