加息

澳洲開始加息，環顧全球，中國係最有可能加息的國家之一，四萬億求市方案和接近十萬億貸款刺激經濟，今年保八應該可以，明年只要出口回緩，經濟增長係絕無問題，問題係新增貸款會係幾多萬億，再來一個十萬億就真係會有問題。
中國可以加息，但內地股市聽見加息股市就大跌，所以加息前應該會先加存款準備金，來一個提前預警，才來漸進式加息。
弱美元可能係一個長期趨勢，有利美國出口，為復甦加添動力，而弱美元亦令人民幣無可避免地需要升值，但中國已經有過一次經驗，知道人民幣快速升值的後遺症，今次升值速度應該會比較緩慢，就算升值緩慢，中資股都係必然投資對象，而受惠加息的行業更加要留意，有保險業和招商銀行。
弱美元或會令資源價格上升，原材料價格高企，工業股的經營艱難命運再度重臨，歷史可能再度重演。中國積極收購石油、煤礦，但對鐵礦石真係無能為力，每年都處於弱勢一方，鋼鐵價格大幅上升係必然結果，汽車業和機械製造類別能否將原材料價格轉嫁給客戶，係對業績影響的關健。
內房股或會受累加息，不過加息只會對負債偏高，缺乏投資物業的內房股影響較大，而且經濟好先需要加息，只要房價不脫離現實，不用出到政策去壓房價的話，房地產的產業鏈無論係今年或未來對經濟的貢獻都係不可或缺的。
經濟仲有好多不明朗因素，手持股票的希望經濟向好，係今次升浪中不斷減持，甚至一股都無的會希望經濟係W型反彈，等機會增持，好多時等就會變成等萬七點買入，之後變萬八買入，現在變咗等二萬點買入，不過就算機會來到，亦會缺乏執行力，被市場氣分感染而調減買入目標價，等等下又買唔到。
其實簡單啲睇，一萬低三萬頂，二萬都算係合理，部份優質股股價甚至便宜，而持有渣打（3厘股息）、恒生（5厘股息）等股票相信好過存錢入銀行，持有領匯（6厘股息）亦好過持有現金，國壽、平保、宏利雖然股息較低，但增長潛力優厚，持有優質股總好過持有現金比通帳蠶食。
提到通帳，麥記四個月加兩次價，係麥記做時薪連食個餐都食唔到。大家樂價錢高到開始趕客，食物質素亦有下降，不過股價仍然高企，殺雞取卵係咪好辦法將來會知。7仔和K仔啲飲品其實都加咗價啦，通帳已經慢慢來到。