專業投資者

金管局向所有銀行發出指引，強制性將豪宅按揭成數由七成降至六成，並要求銀行採取穩健的貸款手法，充分評估借款人的還款能力，並以審慎計法，計算借款人的供款與收入比率與物業估值。
以雷曼迷債作比喻，投資豪宅的人士，絕對係專業投資者，將豪宅按揭成數由七成降至六成，係完全無意義，因為真正富豪買豪宅係唔需要做按揭。
為何今次金管局要高調發出指引，與雷曼專業投資者不作賠償作比較，今次對炒家作出溫馨指示，係怕炒家損手會追討賠償走去示威，定係新人事新作風，由積極不干預，變為積極干預。
至於銀行貸款手法，係無需要擔心，因為香港銀行只會借錢畀啲無需要用錢的人，而按揭成數降至六成，對銀行來講亦已經好安全。

股市方面，內銀股第三季業績反彈，第四季恢復增長，部分內銀股應該好快創歷史新高。
現在買比亞迪（1211）的應該係專業投資者而唔係價值投資者。
相比起大家樂（0341），大快活（0052）的估值較為吸引，快餐店係有能力加價，但價格開始脫離快餐店價格，而且價格上升，食物質素卻未見上升，估值卻比大快活高一倍，係大家樂偏高定係大快活偏低。
而維他奶（0345）和大家樂的估值一樣高企，投資價值亦因蒙牛（2319）復甦而降低。
中移動（0941）明年有可能回復高單位數字增長，每戶平均收入有可能跌幅放緩，長期減價戰對三間電訊商都無好處，ARPU只係一個平均數，第三季係75元，即係低收入用戶月費已經接近三、四十元，再減好可能連成本都收唔返，減價始終有個限度，而且低收入用戶對中移動好處較大，規模效益可以以本傷人，低用戶對其他電訊商收益可有可無，聯通引入iphone都係為咗爭取高端用戶。
電訊設備股方面，中興通訊（0763）和京信通信（2342）中國無線（2369）受益今年3G投資，股價大幅上升，為何中通訊（0552）晨訊科技（2000）的股價卻大幅落後，我相信個別電訊設備股的強項各有不同，相關股份應會受惠不同時期的3G投資，最終電訊設備股定能受惠，龍頭股中興通訊估值未來幾年應會高居不下。
基建股股價長期點穴，毛利率低係主因，高價上市亦有關係，今年靠營業額帶動增長，明年估值有可能重估，畢竟基建投資係內地增長動力所在，規模係明年亦不會減少。
Tempo進入盒裝紙巾市場，維達（3331）與恒安（1044）遇上勁敵，作為消費者用後感，如果零售價下降兩成，同其他牌子價錢差不多的話，Tempo真係唯一選擇。
還是覺得渣打（2888）未來上升空間比匯控（0005）吸引。
曾經有「十年黃金變爛銅」此種說法，現在黃金係咪爛銅，當然唔係，我對投資黃金亦沒有研究，只係覺得當年的為人所棄的垃圾變為奇貨可居，現在的黃金的與當日能夠上升數倍的垃圾相比，值博率低咗好多。