新股

這一輪新股熱潮除霸王國際（1338）、金隅（2009）、國藥（1099）和志高（0449）（應該仲有一兩隻連名都唔記得的）能在招股價之上，其餘秦發（0866）、琥珀能源（0090）、361度（1361）、中冶（1618）、利朗（1234）、匹克（1968）華南城（1668）和恒盛（0845）全部破底，借孖展連息都蝕埋。
如果用以上股票分類的話，霸王和國藥係香港未有同類，而且各自屬於行業內的龍頭股，升亦算有理。

至於志高以去年市盈率10倍招股，定價唔算太高，今年加上家電下鄉，盈利應有一定增長，係金隅同期招股，熱潮未退，現在股價遠在招股價之上，合唔合理見仁見智，最大原因係定價低，就算上限定價都照升可也。
新股暴升原因多數是由大量資金追逐少量貨源形成，反之亦然，近期新股破底，主要由市場氣氛主導，中冶破發，加上股市開始進入調整，投資者對新股轉趨觀望態度。而之前金隅首日的強勁升幅，係令新股定價進取，部分新股就算下限定價，集資額亦必定比預期高。
新股質素差亦是原因之一，質素差並不是新股本身，部份新股係未來其實亦不乏增長潛力，只是大部份新股係行業內未具有領導地位，比同類型上市公司估值亦未顯得特別便宜，就算基金想吸納亦欠條件。

質素最好的已上市

秦發為民營煤礦公司，和已上市的有中煤（1898）和神華（1088）等國企比較，高下立見。
361度和匹克，比起李寧（2331）、安踏（2020），又係無得比。
恒盛，同華潤置地（1109）、中國海外（0688）、世茂（0813）等比較，亦未見優勝，華南城更可以話唔同級數，我對香港未上市的內房股，比較有興趣的相信只有萬科。
中國第三大保險太保之前招股不成，現在又話想再來港上市，但在港上市的已有平保（2318）和國壽（2628），第三買黎做乜，留返係A股啦。
民生銀行又有興趣來港，但招股價又要係A股之上，平又唔肯上，其實除農行外，規模係民生之上的全部都黎咗香港啦，而且中信銀行（0998）仲深潛緊，民生唔好嚟啦。
新股中，未上市華潤水泥（1313）縱使很大機會亦會跌穿招股價，但華潤系多間上市公司已進入藍籌股成員，包括華潤創業（0291）、華潤電力（0836）和華潤置地（1109），相信華潤水泥的質素應該唔差。

有一隻極之有興趣，但肯定唔會來港上市的，係上海證券交易所，上海如果能夠發展成金融中心，上交所前途無限呀。