以前長揸匯控會致富，但同一條方程式現在已經不適用，內銀股和渣打比匯控的投資價值更吸引，但係咪代表匯控已經唔可以長期持有呢，答案有兩個，係同唔係，對唔同人有唔同答案。
六合彩歷史以來，咁多次頭獎，我都未識到有朋友中個，又或者中獎的都唔會話畀人知，但長揸匯控致富的神話，原來身邊「有人」做到，匯控最高增長期持有到現在，都有廿年，期間不斷慮績直至現在，期間經歷多次股災。
對我來講，係會取內銀棄匯控，但對有人來講，繼續長期持有匯控係最合適，原因係唔認識其他股票，亦都唔識甚麼是基礎分析和技術分析，股票知識係零，所以一動不如一靜，對有人來講係最理想的投資方法，縱使其他股票回報比匯控理想，亦都繼續持有匯控，但由於量夠多，匯控雖減派息，但回報仍然非常理想，以股代息亦足夠每年買多好多手匯控，股票持有的量其實都好重要。
近年的神話應該係騰訊，但一隻升幾十倍的股票，由招股持有到現在的回報係極驚人，如果持有量極多的話已經可以退休，但一隻新股，作為一個散戶，要持有直至現在都唔係一個問題，係最初能夠有信心買幾多，應該無人All In啩。
中人壽能去到紅底股的話，亦會係另一個神話，中人壽無疑係極之穩健的投資，不過現價買入與招股價能夠買入的量相差極遠，招股價買入當然可以長揸，本小利大息高，但由於中人壽係人所共知的好股票，股價估值存在溢價，兩倍內涵值以下的中人壽除了上市時，就只有金融危機時見到，除非擁有大量現金，否則現在買中人壽的能買到的量唔會好多，長期持有會係本大息低，獲利多與少在於紅底股是否極限。
個人看好中人壽
回覆刪除特別是在接下來新興市場(中國)泡沫行情中的潛力.
不過能否去到紅底股就沒有把握了..
您估計紅底股幾年內有機會來到？
For 2628, so long as the GDP keeps growing and the income level of the people keeps rising, when the preimum percentage in mainland reaches the same level as in USA, it means that the industry has to increase by at least 5-6 times as the existng ones. Based on this prediction, 100 mark for 2628 is a reality.
回覆刪除紅底股的機會極大，就算中國股市平穩發展，自身都至少有十年以上的增長期，不過由於高增長存有溢價，一旦增長放緩，股價會有一段消化停滯期，但係短時間內唔會發生。
回覆刪除For 2628 to break through the 100 level, I predict it is something happen within 5 years.
回覆刪除Another shares which is likely to reach 100 level is 3968. I predict there will be an expanding cycle for banking industry in PRC wihtin the next 5 years or so and 3968 is the most rapidly growing stock if histroy is any indication. An annual growth of 25% is certain.
1988 has much room for expansion. The market need some time to understand this stock before it enjoys a preimum and valuation same as 3968.
For 272, it is underdog which is trading below the real value. But the price speaks for the uncertainies and worries the market have on this stock. Let's us how and whether Mr. Lo change this preception within the next three years.
中人壽五年內去到紅底股唔係無機會，但要一個長期合理估值維持紅底股，我覺得至少需要七年以上時間。
回覆刪除業務模式無疑係保險較好，但我個人喜歡銀行股，中國銀行業的不成熟，令業務偏重借貸，反而令銀行股的業績容易計算，保險股因業務模式存有溢價，銀行股亦因業務模式而令估值較低，但招行與民行係撥備和不良貸款比率都係同業中最出色的，我對招行未來的增長係樂觀的，而市場亦低估了民行，我唔相信一間短短十幾年能夠濟身全國第七大的銀行質素會差。
七行中，以中信行我較為少留意，但對交行我印象較差，除了作為客戶唔滿意之外，上市五年以來，計埋將會供股係第三次抽水，真係太頻密啦，反觀招行如果唔係收購永隆，雖然都有集資壓力，但集資額應該唔會咁多。
下次會再寫下對272的睇法。
Wouldn't the expectation too optimism? There's risk on the bubbles of property market and bad debts. The present valuations of the banking sector are implying the risk of it.
回覆刪除So long as the GPR keeps growing at a pace of 8% each year, the risk of bad debt is contained
回覆刪除我對壞帳的風險係樂觀的，看招行係金融危機時的壞帳係有增長，但屬於可接受可控制，之所以選擇招行和民行，係因為兩行的政策性貸款較小，基本上係畀四大行獨佔，由於政策性貸款較小，壞帳反而容易控制，我一直認為不良貸款係內地公佈的數字為高，四大行係處理壞帳分類方面明顯比招行和民行差，地方政府拖欠借貸，究竟幾奈先屬於壞帳，又或者屬唔屬於壞帳我都有疑問。
回覆刪除而樓市由於有首期的關係，要做成壞帳，起碼要跌三成先有能力做到，磚頭有價，賣反出去都損失有限，政府壓抑樓價反而係好事，我從來唔覺得政府想推倒樓市，上年刺激內地樓市的措施，咁幾咁強而有力。
高息反而係最危險，但中國漸進加息的話，對銀行盈利反而有幫助，至於高息，一兩年內都應該唔會發生。
近日有新聞京滬高鐵貸款被挪用，最重要的係銀行自身風險管理得好唔好。
建行近年的業績令我印象改觀，但我絕對唔會忘記，工中建行都係經過注資，脫離壞帳才得以上市。
紅底股來講 , 應該係平保先架啦
回覆刪除關於招行，在吞下永隆後，不知會否有消化不良的情況出現？另外，你認為招行在甚麼價位為才算吸引？
回覆刪除暫時未有消化不良，客戶基礎擴闊，有互補不足作用，始終招行係香港只得一間分行，招行甚麼價位才算吸引，我會答得取巧少少，供股價就非常吸引，供股權要除權才有，但由於可以額外供股，而額外供股價都係10.06元，即係話抽到的話等如送錢畀你，你話吸唔吸引，不過估計供股反應應該理想，申請額外供股能夠分配的機會實在太少，而可以分配到的數量亦不會太多。
回覆刪除其實好多股票吸引的價位已經過去，惟有增長股，係經歷增長之後，價格之貴變合理，合理變平。
基建股跌了唔少，增長股估值去了不少。但面對勞動力成本快速上漲、增長性可持續問題，高資本投入，低股息回報，你對中鐵的看法有否改變？
回覆刪除對中鐵的看法之前都寫過，對毛利率提升不抱任何期望，營運效率亦如是，如果有幸提升，就當係獎賞吧。
回覆刪除中鐵董事長石大華係上市時的言論，我覺得就似口號，一方面要改善營運效率，一方面又要顧及工作多年的員工，係兩邊不討好。
高資本投入低回報，但都總算有回報，合約定單不斷增加，只係國內工程都接唔完，加上收入有滯後期，盈利高峰期還未到。
中央剛係央企裏面選取了十六間作為可持續經營房地產的央企，中鐵母公司榜上有名，對中鐵係好事，而收購中鐵港航後，得到進行中交建的疏浚業務，收入多元化，起碼唔係來自房產和礦業，同基建有關。
中鐵另一隱藏價值係可供出售金融資產。
低股息回報，我估計今年應該有大約10仙的股息，真係靠估，比銀行存款略高。
民生目前是否較招商便宜一點？感覺是市場很低估民生的價值。
回覆刪除前面無名氏高人咁睇：
回覆刪除1988 has much room for expansion. The market need some time to understand this stock before it enjoys a preimum and valuation same as 3968.
純以估值民生唔只比招行便宜一點，招行係七行之中估值最高的一間，以市帳率計，招行係全球銀行市帳率最高的一間，上市以來業績高速增長令市場給予肯定，發盈喜報細數亦令每次業績出來為市場帶來驚喜。民行需要的是優秀的業績，未必需要比招行出色，只要比其他五行優秀已足以提升估值。
回覆刪除有同感。招商和民行，都是我目前收集的目標。至於瑞安，我是較為擔心它的管理。整家公司過於依賴一個人，一旦有什麼事，便很難處理。各位對思捷在中國的發展，不知有何高見？
回覆刪除What is your view on 3377 after the announcement of the PRC government to regulate the involvement in property industry?
回覆刪除如果瑞房係未來只靠羅先生一個人的話，瑞房唔會係一間百年企業，但我又相信羅先生對瑞房的未來，唔會以家族形式經營，會以有能者，加上經營理念相同的人來管理，而自己角色上會退居幕後，只係給予意見，情形就如李先生一樣。
回覆刪除思捷係中國業務規模尚小，剛收購華潤合營，要發展中國業務需要時間，但會係一個理想的增長點，而思捷係香港經營係比較失敗，行入去係想像唔到呢個公司會咁賺錢，不過係歐洲就好成功，係歐洲思捷唔只係一間公司、一個品牌，畀人仲有一種生活態度係香港所久缺的。
至於遠洋地產，中央政策規管的係央企，對遠洋地產我覺得係不識用，遠洋地產的角色係比較尷尬，我會用招行來作比喻，招行最初的股東，係招商局和工商銀行，同國企係無分別，係經過擴股增資再上市後，工行退出，招商局股權減少，國企色彩漸減，遠洋地產可能亦會一樣，失去央企的支持，可能令投資者的信心減少，央企減持，亦可能會引入其他股東，但有中人壽係背後，都仲有一座大靠山，財務方面應該唔會有太大問題，投唔到天價地反而係好事。
係呢件事最開心可能係中遠國際（517）的股東，若遠洋地產的股權真的沽出，對517的估值係會提升不少，或許還會有特別股息派發，現價可能仍有不少上升空間。
謝謝回應。我今天剛去完思捷購物，也有類似的不解，為什麼思捷在歐洲會那麼成功。作為一個消費者，香港思捷並沒有特別的吸引力。至於它在大陸如何定位，是我感興趣的。希望新的CEO上任後，有一番新氣象。
回覆刪除說起地產股，不知版主對中國海外和華潤置地這兩家，有何評價？尤其在管理，樓房口碑和經營策略幾方面。
中國海外和華潤置地兩者皆係藍籌股，質素唔會差得去邊，但兩者派息極低，soho中國派息0.2元，中國海外全年都係派0.2元，而華潤置地應該仲低，派息與股價相比完全唔合比例，地產股來講息率唔算吸引。
回覆刪除中國海外每年都有理想增長，管理層亦無好大喜功高價投地，收購蜆壳電器增加土儲係極高明做法，今年售樓目標與去年相同，但由於價格上升機會極高，盈利都會有增長。
至於華潤置地，母公司不時注入優質資產，管理層未受過考驗來形容，但以市盈率計華潤置地估值係極高，以市值計係瑞房三倍，但估計去年盈利和瑞房其實差不多，可能由於華潤系的關係，能享受較高估值。
內房股和香港地產股始終有分別，香港地產股能以資產值以上交易的其實唔多，但中國海外與華潤置地則以資產淨值的幾倍交易，係由於投資物業比重極低所至，純以賣樓收益為盈利，香港地產股以新鴻基地產為例，投資物業比重極高，所以營業額比中國海外少，但盈利就比中國海外多接近一倍。
思捷與華潤合營的內地業務，其實真係無乜特別出色，我曾經到過，同香港係無乜分別，而收購後要短時間改變亦都不易，服裝零售我都係覺得 UNIQLO做得極出色，同思捷定位不同，但價格便宜以量取勝。
謝謝！如果看好中國地產業的長遠發展，似乎中海是不錯的選擇，雖然目前的估值已很高。只能慢慢等待機會。我其實也喜歡萬科，可惜沒在香港上市。
回覆刪除我對萬科都很有興趣，但可惜應該唔會來港上市，而萬科和中國海外相信會係現在和未來的內房股領導者。
回覆刪除