教學

永義國際宣佈，於11月26日以總代價830.82萬港元購入民生銀行合共91.5萬股，隨後出售。
永義國際(01218)12月4日發佈公告稱，於11月26日以總代價830.82萬港元購入民生銀行(01988)合共91.5萬股，隨後在市場出售有關股份，惟未有披露售價。永義指出，因考慮民生銀行的往績記錄，認為收購事項可提高公司的現金回報。然而，由於市場狀況不明朗，公司認為，沽售有關股份可避免民生銀行股份股價貶值的風險。


以上可能係投資的最佳教學：
首先，就算唔睇呢間公司炒股的往績，以投資民行的操作方法，顯示了永義國際係完全唔值得投資的公司，與其投資給公司炒股票，不如自己買賣。
購入民生銀行原因係考慮往績記錄，沽出原因係市場狀況不明朗，沽售有關股份可避免民生銀行股份股價貶值的風險。
買入沽出原因又係最佳教材，買入原因更加唔係考慮民生往績記錄，往績記錄係新股攤路全部都係升、升、升，所以跟據往績記錄應該買入。
散戶買入後先發覺股價有貶值風險，點解買入前又唔會有貶值風險，因為買之前唔會覺得佢會跌麻，所以打電話去電台或電視台查詢股票的散戶，大多都係買入後覺得有風險，原因係手持的大多係蝕本貨。
最後亦都係最搞笑的一句，就係市場狀況不明朗，市場狀況從來都未明朗過，無論係經濟景氣時或不景氣時，風險永遠存在，過馬路都有風險，但遵守交通規則風險則會減低，投資亦如是。
如果無風險，恒指現在就唔係22,500，而係32,500啦。