上表所列的52週低位，其實並不是金融危機裏面的最低位，其實已相差不遠，只為方便計算。
從往績看，中國人壽係所有中資金融股中升幅之最，除了業績高增長之外，早上市亦是原因之一，當年未有同類股份作參考，投資者對中資金融股鍾愛程度亦不如今日，故只能以一點幾倍內涵值上市，到現在以3-4倍價格作估值，股價已經可以三級跳，至於銀行股，除了交行以一點幾倍市帳率上市之外，其他普遍都以接近2倍市帳率上市，能夠突破3倍市帳率的惟獨招行一間，所以內銀股價升幅不及一眾保險股。
但從近績，由52週低位計算，中國人壽股價升幅只比建設銀行略為優勝，但卻嚴重跑輸其他中資金融股，感覺上失去了昔日的光芒，但原來投資者對建行和中人壽鍾愛的程度，令股價就算在金融危機，股價的抗跌力亦比其他中資金融股優勝，跌得少所以升得亦少，縱使建行和中人壽未來的前景依然秀麗，但所有人都知道的好股票，要在垃圾價錢買貨的機會真的得來不易。
註：招行52週低位已計算10送3紅股因素
現價以12月1日收市價作準
http://newmoneymaster.blogspot.com/2009/11/9-10-85.html
回覆刪除我看到你上面的新聞，你說："又一垃圾報告，中海油田已經有A股（601808），A股價係接近H股一倍，公司公佈中期業績時曾表示會伺機增發A股，回歸國際版對股價有刺激係一個笑話。"
我唔明點解："公司表示會伺機增發A股，回歸國際版對股價有刺激"係笑話？thank you
國際版係畀滙控、渣打、中移動呢類係外國註冊企業，不能發行A股的企業而設，中海油田服務係國企，而中海油田服務已經有發行咗A股，代號係（601808），係唔需係亦無必要係國際版上市，公司只需要增發A股，因為A股的價格現時係16.26，比H股有溢價，所以話回歸國際版對股價有刺激係一個笑話。
回覆刪除原來係咁，你係笑緊嗰個郭生連a股同國際版分別都唔知就走去做分析？其實我都唔知，多謝你教我。
回覆刪除但如果我唔理郭生嗰個理由，就咁睇中海油田服務a股比h股有溢價，如果佢增發a股，對h股持有人嚟講，每月現金/資產值會上升，都應該剌激會h股股價？
增發A股係會令現金和資產值上升，但中海油田服務增發A股主要係減債，如果唔係國企，有中海油集團係背後，以現時負債水平，係金融危機期間，已經玩完。
回覆刪除增發A股會令每股盈利下降，但同時減債後利息支出減少會令盈利上升，最重要係只要油價維持現水平，收購挪威同業後的效益將會顯現，如果油價持續上升，石油公司投資意欲加大，未來業績只會愈來愈好。
至於增發會唔會刺激股價，我認為沒甚麼比一個優秀的業績更能刺激股價。