估值

一直以來，內地銀行和保險股較國際上其他同類企業享有較高估值，滲透率低、業務發展空間龐大、受內地政策保護和受惠內地經濟增長等因素，令業績高速增長，得以享有高估值，可以話未來五至十年內地銀行和保險業仍可以維持快速增長，但增長總會放緩，新興市場會變做成熟市場，三倍內涵價值和市帳率估值會變做兩倍，總不能十年後仍然以三倍內涵價值來為中人壽作估值，估值會隨業績而改變。

內地銀行今年受淨息差下降影響，全年業績持平或有輕微增長，但明年業績普遍會有一至兩成的增長，今年下半年貸款受限制，但明年始終要放貸，而且利率見底，會受惠加息周期（經濟好才需要加息，市場害怕宏調，但其實係需要的，上證由六千點跌好過由一萬點開始跌），最重要都係保持貸款質量。

中移動增長放緩就係一個例子，要再享受20倍pe估值，一係業績恢復年增長兩成，二係市況極熾熱，當然，中移動的派息其實係有非常多的增長空間，派息增加亦可以令估值的上升。
渣打中期業績盈利派息均有增長，係金融海嘯裏面表現出色，市盈率維持係近年低位，只有11倍，比滙控預期市盈率還要低，股價創新高應該比滙控容易。

係炒作經濟復甦情況之下，部分股票的股價變得不合理，股價上升久缺實際盈利支持，內銀股、中移動、渣打可算係合理估值，短期欠缺上升動力，但長遠盈利增長定可支持股價向上。

久缺上升動力的還有一隻--領匯，持續受TCI減持，不過商場質素不斷提升，示威抗議持續增加，今年派息應該有超過一成增長。