劇本

美國感恩節假期休市，期指結算加上杜拜爆發債務危機，以及傳媒舖天蓋地的宣傳，完成了港股跌千點這個劇本，呢個劇本佈局可謂完美，又一次財富轉移。
財經演員經常講的跌市大成交，後市利淡，中資金融股當日跌市成交係平常的三倍，又是否利淡，跌市大成交，又人賣又有人買，為何買的會係弱者，普通散戶大跌市的正常情況下會係觀望，更甚的會係沽貨者（有朋友以接近最低價沽出民生銀行，早知沽畀我麻，排隊買都無咁低），今次跌市接貨的應是強者。因為無論是傳聞集資或是杜拜危機，對中資金融股的影響都比較少，集資我覺得影響更是正面。
今時不同往日，雷曼係因為有毒資產，毒藥無人敢食才任由倒閉，杜拜世界唔係資不抵債，就算真的違約，現在市場資金充裕，加上杜拜世界資產優良，三號貨櫃碼頭呢類寶品，會係世界各地大鱷的獵物，投資者可能希望杜拜世界平安全事，但希望杜拜世界出事的為數亦應該唔小。

集資

內銀股近來有集體集資症，股價回軟正是提供吸納機會，內銀股係現水平估值尚算合理，其實大部分內銀資本仍處高水平，就算真係需要集資，亦只是為了未來幾年新增貸款舖路。不過要提高資本充足率，集資係最快捷方法，其次係降低風險資產或將資產證券化，亦可以減少派息保留盈利，不過這個可能性不大。
新增貸款的多少將決定內銀資本充足率的下降速度，明年將會考驗內銀的管理和營運能力，誰能夠係非利息收入方面開拓更多收入，增加盈利，減少資本損耗，將會係未來的大贏家，畢竟集資放貸再集資，並唔係一個好方法。
民生銀行（1988）暗盤價軟弱無力，或多或少受內銀股集體集資症所影響，不過民生集資完成，明年貸款增長大增，加上內地明年開始處於加息期，民行明年盈利增長三成以上機會極大（扣除今年賣海通證券特殊盈利），一年目標價五成升幅應會達到。
大家樂（0341）盈利開始處於緩慢增長期，目前大家樂在領匯旗下商場約有40家分店，若領匯再加租金，大家樂表示會增持領匯權益，這個係聰明的做法，比起罷市高明，不過作為投資者如持有大家樂，更高明的做法係沽出大家樂換馬買入領匯。

後記：民生銀行受傳聞一眾內銀需要集體集資和大市下跌所影響，跌穿招股價，內銀要集資和三年內沒有集資需要的民行基本上沒有關係，跟隨大市下跌係無可避免，但理由絕對唔充份。
迪拜世界陷債務危機究竟有多大，迪拜世界的欠債約為590億美元，全球各大型銀行應該避免不了與迪拜世界有債務關係，不過一齊分擔的話，危機應該不會如傳媒所誇大的影響全球，現在市場的信心經已重建，迪拜世界與雷曼倒閉的危機相比顯得遠遠不如，不過絕對係股市調整的一個藉口。
比亞迪第三季業績盈利比中期盈利倍增，盈利增長已去到一個不可思議的境界，估值由極貴變為貴，已經脫離泡沬價。

一招

翻看《拳兒》，一本已被人遺忘的漫畫，漫畫中有一句「不畏習得千招之人，單懼熟練一招之徒」，外傳中講述李書文一招制敵，郭雲深半步崩拳打遍天下（以上高手真有其人），用的只係基本功，但日子有功，威力驚人，而股神則以一招價值投資名聞天下。
至於散戶，係股市常用的一招不是基礎分析和技術分析，而是止蝕，但每用一次就好似七傷拳，未傷人先傷己，有害無益，不過大部分散戶就自以為係遵循股神的一句話，「第一，不要讓自己輸錢。第二，不要忘記第一條誡律。」。
長線持有優質股以達至財務自由的投資者，對止蝕可能不肖一顧，其實投機能夠致富的，亦不乏有人，呢類人精通基礎分析加上技術分析，運用止蝕見機於基本因素的改變。
我一向認為無論係長線持有或者係投機，都可以致富，只係長線持有這種所有人都知道的方法要持之以行，要成功係比投機容易，優筫股大部分散戶都知道，亦都買過，未能持有的原因有係聽從財經演員的指示--止蝕。而散戶擁有投機的擔色，以為只要懂得止蝕，就可以買入235和773呢類股份，其實根本同賭博無分別，就投機都談不上。
我所認識的散戶當中，有奇人和怪人二人，奇人係投資方面知識、理論和陰謀論兼備，只係選股方面比較奇，今日先講怪人，奇人日後再講。
怪人係一個電腦、數學奇才，喜歡投資衍生工具，最常用的一招係技術分析，到我發現怪人揀選股票的方法時，先知道怪人原來不懂得何為投資。
怪人如何揀選股票，答案係由電腦揀選，怪人將所有股票輸入電腦，由電腦選出每日技術走勢最好的幾隻股票，再由電腦選出嗰幾隻股票的衍生工具，而怪人每日都會係度欣賞嗰幾條移動平均線，而經常性以財經專家的口吻講技術走勢，真係唔識就嚇死，識就笑死，不過我知道投資只靠一招技術分柝係會輸死。

領匯的業績和派息比預期中還要好，以領匯翻新商場的速度，未來五至十年的增長仍處增長期。投資領匯的回報絕對比持有中移動優勝，對於反對領匯加租的租戶，最佳的方法係買入領匯。
不過翻新了的商場令好多經營多年的老店和一些特色美食，未來將會係領匯的商場消失，對舊街坊來講，商場翻新咗，連鎖店多咗，人情味少咗，回憶亦無咗。

內地汽車今年熱銷，令內地對油的需求未來有增無減，石油股的投資價值因暴利稅而減少，公路股未來收益應該上升。
民生銀行快將上市，既然集資完成，再用A股價格來決定H股價格會變得無意義，如果市場認為民生銀行可以有招行一樣的估值，我樂觀地認為民生銀行一年之內至少有五成升幅。

愛爾蘭對法國，亨利的上帝之手引起的話題，其實只係球證有錯，既然當年馬勒當拿係世盃用上帝之手之後，直至現在球例亦無修改，亦無重賽，更何況係一場世盃外圍賽。

鷹美國際09年中期業績

鷹美國際（2368）截至二零零九年九月三十日止六個月之營業收入增加9.7%至670,700,000港元，二零零八年同期則為611,200,000港元。
與二零零八年同期相比，截至二零零九年九月三十日止六個月毛利率由25.5%上升至28.8%，而經營溢利率則由17.5%上升至21.8%。
截至二零零九年九月三十日止六個月應佔溢利達127,100,000港元，較去年同期之93,000,000港元增加36.6%。
新生產設施已於二零零九年第四季開始投產，計劃提供額外總建築面積約24,000 平方米，可設置逾45 條生產線。

鷹美國際的毛利率係28.8%，而利潤率係21.8%。
申洲國際的毛利率係31.8%，而利潤率係20.9%。

無論毛利率和利潤率，鷹美已經屬於高水平，再大幅增長的空間應該不大，營業收入只增加一成，係近年最少增長，幸好開拓歐美市場，否則營業額可能會下跌。
業績亮點係毛利率的改善，營業額則受到金融海嘯的影響，應收帳時間大幅縮短係好現象，股息亦輕微增加1仙至13仙，而產能增加有利未來增長。
以鷹美細小的規模，無論毛利和利潤率與申洲比較亦毫不遜色，實屬難得，但未來的增長會否放慢，取決於開拓歐美市場和係中國地區的營業額轉跌為升，而勞工成本係未來肯定會上升，要維持毛利率，將生產線轉移至中國以外地區，係大勢所趨。
投資鷹美亦要留意Nike的業績，另外，或許由於裕元的關係，鷹美取得了Reebok的訂單。

民生銀行

民生銀行（1988）2009年前三季回收不良貸款餘額21億元，加上核銷了人民8.85億元，令不良貨款餘額係由08年的7,921下降至09年9月的7,284，可以話為上市做足準備，但回收加上核銷接近30億元，但餘額只係下降了7億，可見新增不良貸款亦同樣驚人。
過往幾年民生新增貸款複合增長接近二成五，不良貨款率每年下跌，純睇數字以為資產質素強勁，其實只係新增貸款大增令比率下降，但不良貸款餘額卻年年上升。
民生銀行前三季的淨息差為2.61%，上半年票據貼現餘額爲1159.39億元，而到9月底，貼現餘額減少至613.5億元，票據貼現轉為貸款加上高貨存比率係息差上升原因。
民生銀行貸存比率超過法規的七成五，接近八成五，如果監管機構嚴格執行法規，會令民行新增貸款受限制，民行或會需要大量吸納存款（需要千億存款），但吸納大量存款的條件會係高息，必定令淨息差受壓，對盈利會做成重大影響。
民生銀行特點係A股上市以來送紅股的次數頗多，亦因貸款增速強勁，多次透過資本公積轉增資增加股本。

不良貸款餘額
2006年　　　5,893
2007年　　　6,773
2008年　　　7,921
2009年中期　7,801
2009年九月　7,284


不良貸款分類
2006年
次級　2,328
可疑　2,202
損失　1,363
不良貨款率　1.25%


2007年
次級　2,292
可疑　2,736
損失　1,745
不良貨款率　1.22%


2008年
次級　3,459
可疑　3,189
損失　1,273
不良貨款率　1.20%


2009年中期
次級　2,813
可疑　2,464
損失　2,524
不良貨款率　0.86%

貸存比率
存款　10573億元
貨款　8935億元

名牌

恒大地産（3333）終於在香港順利上市。恒大地産、合生創展（0754）、富力地産（2777）、雅居樂地産（3383）及碧桂園集團（2007）被譽爲「廣東五虎」的名牌。
恒大主席許家印曾坦言：「股價太便宜，賣得很心痛。」，不過係恒大上市後，許家印已經成了中國首富。
恒大2010年預測市盈率為5至6.6倍招股，以中間價3.5元定價，上市後市價超過500億，而恒大2010預期盈利係77億人民幣。
龍頭股萬科09年三季度累計實現淨利潤29.57億元，萬科係A股上市，業績係純利潤，而且無物業重估收益。
我唔否認恒大係2010年有賺取77億的能力，但77億應該係包括物業重估的收益，而且2010年內地房地產的政策和變化亦係未知數，加上77億是否每年都賺到的經常性盈利亦係問題，恒大上市是否大平賣，是否真的賣得很心痛，相信日後會知道。
恒大令我想起碧桂園（2007）上市後業績爆炸性的增長，可惜業績之後無以為繼。
恒大以土儲五千萬平方米稱王，而且地價便宜，與當日碧桂園上市時一樣，日後會否與碧桂園係金融危機時面對同樣的問題呢，還有富力地產（2777）因閒置土地而被收回的問題，會否係土地稱王的恒大身上出現呢。
許家印認為賣得太便宜，我則認為便宜可貪或勿貪，碧桂園係上市時股價亦曾經輝煌，係歷史高位沽出定買入係貪字的奧妙。

恒大過去幾年盈利（人民幣）
2006年　　　　　3億2千萬
2007年　　　　　10億
2008年　　　　　6億3千萬
2009年中期　　　5億2千萬
預期09全年盈利　10億（包括物業重估）
預期09全年盈利　4.1億（不包括物業重估）
預期10年盈利　　77億

碧桂園過去幾年盈利（人民幣）
2005年　　　　　6億
2006年　　　　　15.19億
2007年　　　　　41.36億（上市年）
2008年　　　　　13.78億
2009年中期　　　18.16億

而由利豐、中海油、華潤集團等名牌分拆出來的公司，絕大部分能為投資者帶來理想回報。
利豐集團已上市的有利豐（0494）、利和（2387）、利亞零售（8052）（OK便利店）和剛上市的利邦（0891），利邦上市後股價大升，與利豐同系上市公司過往優良表現大有關係，名牌效應明顯。

中海油集團分拆出來在港上市的有中海油（0883）、中海油田服務（2883）和中海石油化學（3983）。
中海油係係股價上亦已反映了未來的增長應該遠高於中石油，產量增長比依靠大慶油田的中石油容易。
中海油田則會受惠中海油未來產量增長，雖然收取中海油的收費較同業低，但在中國海上油田服務能夠比中海油田優勝的暫時未有，未來亦會受惠油價上升。

華潤集團分柝出來的有華潤創業（0291）、華潤電力（0836）、華潤置地（1109）、華潤燃氣（1193）、華潤微電子（0597）和剛上市的華潤水泥（1313）。
華潤創業和華潤電力已貴為藍籌成員，華潤置地相信亦不遠。
華潤水泥新上市，但和華潤電力和置地有同一特點，利潤率比同業高係優勢，相信會係行業汰弱留強後的一份子，值得一提係中人壽無論係A股或H股都大量增持水泥股。
華潤燃氣要係眾多燃氣股跑出，絕不容易。
華潤微電子則係華潤集團眾多業務分柝出來的行業比較惡劣的一間，中國企業比台灣的台積電還差很遠。

招行AH股價連日上升，當AH股股價係20元以上時，招行（3968）供股的時機將至，相信招行亦等咗好奈，對招行和股東都係一件好事，供股股數會減少，價格會上升，對每股盈利的攤薄效應會減少。

中鐵（0390）投資價值開始顯現，由上市時董事長石大華的訪問中，我知道要中鐵可以改善毛利率的機會很少，但營業額係未來數年應該會持續增長，業績應該會唔錯。