中移動

好奈都無留意中移動，但係今次跌市，有人話熊市，我都係覺得似一個大型調整多啲，指數未跌穿萬九，但啲股就似跌都去萬五六點，資金選股汰弱留強下，中移動係今次跌市裏面可以話無乜點跌過，若果係半年前，已經會跌到去六十幾甚至五十元附近。
如果以盈利角度睇，雖然市值唔同，但純以未來增長幅度計，中移動增長能力都仲係連領匯都不如，惟一支持中移動強勢的，真係靠iphone概念打救，中電信和聯通因iphone而得到難以置信的估值，相信若果中移真係有得賣，重登紅底股必定無難度，係咪真係有春江鴨，過幾過月就會知。