中銀國際：維持中海油田<02883.hk>「買入」評級
中銀國際表示，由於石油公司今年普遍將增加資本開支，中海油田<02883.hk><601808.sh>經營環境有所改善。雖然只假設其鑽井船隊的日均費率保持平穩，但業務量的增長將推動今年的增長。
該行維持對A股和H股的「買入」評級，將A股目標價由23.15元上調至23.56元人民幣，將H股目標價由12.47元上調至14.96港元。
一向以來，我對大行報告的目標價我都唔會留意，只會注意報告分析的觀點，無論係好與壞，對與錯，不同觀點只係唔同的假設，發生可能性的高與低，有時會對分析有少許幫助，不過大多時會當笑話睇。近來除咗迷幻的士司機，仲有迷幻分析員，A股目標價23.56元人民幣，H股目標14.96港元，一間公司兩個目標價，究竟係如何估值，點去分析得出來的結果，如果23.56人民幣=14.96港元，唯一解釋係人民幣大幅貶值，若然只係單純因為A股價高於H股，所以目標價不同，咁呢份工真係好易做。
我真係想睇下假如一日滙控有係國際板內地上市，會唔會有國際板目標價300人民幣，香港上市的滙控目標價100港元呢啲報告，真係笑話。
今日平保A股解禁的消息令我想起你這篇文章, A 股平保可以跌停板, 但H 股仲可以企穩$59。其實A股不能在H股市場買賣,同樣H股不能在A股市場買賣,有A,H有兩個不同價錢的確是很正常wor, am I correct ?
回覆刪除我同意A股同H股係可以唔同價，因為A股係一個完全封閉的市場，就算有合格境內投資者，能夠影響A股暴升暴跌的係唔成熟的股民，而香港係一個成熟的市場，加上上市公司質素優良，長遠計其實應該係H股股價帶領有A股上市的公司升跌。不過，只會係人民幣可以自由兌換之後發生。
回覆刪除而我指相同價錢係見基於基礎分析，一間公司的盈利係固定的，唔能夠因為係A股上市而能夠提升估值，相同分析方法能夠得到兩個目標價的話，個方法一定係錯，有好多公司係其他國家都會上市，但股價溢價或折讓都唔會相差好遠，原因除了因為可以套戥外，最主要係市場專業，唔會以唔合理價買賣。
簡單一個例子，如果股神持有中石油現在的A股，結果只會同H股一樣賣出，一間公司的基本因素唔會因為係其他國家上市而改變。
不過如果可以買A股的話，平保跌停板就跌停板，都要買。