受歐洲債務危機影響下，美國今年加息機會大減，美國出口或會受到歐元貶值所影響，貨幣貶值用來刺激經濟，美國用了、歐洲多國被動式用了，惟獨是中國用不了。
今年人行加了三次存款準備金率，若以過往加息手法，第三次就係加息而唔係加存款準備金率，相信係人行希望延遲加息而令人民幣升值壓力減少，而中央亦用政策令樓市資產升值壓力減慢，銀行相繼取消七折利率，二套房的利率更加係大幅提高，部份銀行樓按只有首付比率達四成的才享有七折或八折利率，而且貸款人要從未有不良紀錄才能申請，所以內地銀行才能夠承受樓價下跌三至四成，係利率未上調下，但內地銀行的利息收入卻不斷提高。
內銀股的盈利能力不斷提升，今年經營將會係重質不重量，係國有銀行收緊樓按下，招行和民行房貸利率定價能力提升，對經營相當有利。
中國今年最多只會加一至兩次息，加息無礙保險股有利，但內銀股係未加息的情況下，利息收入己經不斷增加，係估值如此低殘之下，我只能盡力而為，買~~~
想問問各位請問招銀現價是否仍然偏貴
回覆刪除最近我睇蝸居 , 講到點拿取銀行貸款 , 令我對小銀行的壞帳問題好擔心
回覆刪除用七行比較之下，招行的而且確係最貴，但首先要明白七行點解有平有貴，同樣經營銀行，為何招行估值最高，凡事總有原因，係同行中估值最平的其實投資價值係最低，而未來幾年增長強勁，招行現價其實一啲都唔貴。
回覆刪除小銀行當然要擔心，但亦都唔需要為佢地擔心，只要所投資的銀行無問題就得，所以農行上市我當睇唔到，而電視都可以睇到的問題，其實銀行係知道的，亦都唔係新鮮事，壞帳當然會有，但只係嗰啲為業績而盲目放貸的銀行。
係國有銀行收緊樓按下，招行和民行房貸利率定價能力提升，對經營相當有利。
回覆刪除<------ 我有點不明白 ,中央打擊樓市,是從需求落手。其實不論什麼銀行都是不利, 不是嗎?
我有d想入民行, 貪佢個十送二紅股,不過唔知幾錢入好...
What is your view on the trumble of the US market? It seems that it is because the Ibankers want to show their discontent of the new anti-speculation policies to the government.
回覆刪除以我理解，中央打擊樓市，只係唔想樓價急升，幾年以前的樓價係緩慢上升期，中央係可以接受的，中央接受不了的係對樓的投機性行為，所以限制銀行第二同第三套房的首付比例，加上提高利率，係打擊炒樓人士，而唔係有需要置業人士，對於真正需要置業人士，影響的係新造樓按利率上升，國有銀行收緊樓按和優惠，令中小銀行樓按增加，以上年為例，國有銀行七折利率係搶去招行不少的生意，而中央打擊樓市，並沒有打擊限價房，反而係鼓勵發展商多興建限價房，而限價房都係需要做樓按的，中央打擊樓市並唔係想殺死樓市，殺死樓市對任何一個國家都沒有好處，樓市長期低迷，好多人反而提唔起置業意欲，香港經歷多年樓市低潮，依家一升，就有好多人話買唔起樓，咁多年低潮時期咁多機會買都唔買，而80後更加出黎示威，真係買到的話，真係要恭喜佢地，係高潮時買，呢班人係低潮時有冇能力捱得過呢。
回覆刪除美國作為一個自由市場，係經歷巨變之後，都要為金融市場提高監管，真係有需要的，投資產品日益創新，其實係不斷將風險轉嫁給投資者，巨額花紅係原因，有必要將此制度轉為長期攤分，令到企業高層轉為長期利益。美國政府方面其實只係滿足大眾的聲音，兩者的關係其實就好似香港政府和地產商一樣，係分唔開的，雖然金融危機係投資銀行搞出嚟，不過評級機構都出咗唔少力，今次歐洲呢鑊都係。
至於中國，我一向影響薪酬過低，高薪唔一定會養廉，但低薪就一定貪，每次公布業績都會有報導誰人工最高，有馬明哲、衞哲等，呢種心態係唔正確的，總覺得中國為國有企業制定的薪酬限制將來會有問題出現。