倒錢落海

恒指再次下試年內低位，距離合理價值愈來愈遠，係呢個人心虚怯的時候，基本因素基本上已經係可有可無。
恒指市盈率係十倍樓下，工業股更跌至五倍以下，記憶中無乜點跌過的股票只有康師傅同維他奶，以恒指息率來計算，現在買入係比買迷你債券的息率還要高。
風險當然係下跌空間深不見底，現時買入同倒錢落海好似無咩分別，但股價下跌對我又不會做成虧損，買入又會增加未來現金流。幾年後就會知道今日所做的決定係啱定錯啦。
現在不宜買入的股票有資源股同基建股，雖然便宜，但息率太少啦，原材料下降對基建股係有利，但毛利真係太底啦，未有好好咁去控制成本，要買的話只會選龍工，財政穩健，出口量上升。內房股開始到收集期，瑞房會係首選，世茂雖然評級下降，但公司財政應該未有問題，仲有能力回購，soho雖然真係超值，但集資回來的資金用作回購而唔係全力收購土地，印象分下降。兩隻廢紙若果係下次業績後負債下降，會係幾吸引的投資選擇，銀行股雖然面對壞帳風險上升，息差收窄，但呢兩年的撥備幅度大增，應該無問題，反而擔心會唔會有投資美國其他銀行債券仲好。保險股來年盈利應該會唔錯，係最值得投資股票。滙控係萬四點仲未見到104最低位，只係跌咗三分一，唔使講都知危機過後股價會係點啦，真係愈危愈有機。