利豐（0494）以現金價每股21元私有化利和經銷（2387），私有化價較利和經銷停牌前的15.42元溢價36.2%，股東亦可選擇股份計劃，每一股利和經銷股份可換取0.585股利豐股份，只可以二擇其一。收購價較利和去年底止綜合資產淨值為4.15元，高出4.06倍。
利和現在的收市價係22.1元，比私有化價格高幾個百分點，就算工行私有化工銀亞洲，一日未經股東投票落實，股價比私有化價錢都還有折讓，但利和竟然比私有化價錢有溢價，係想利豐提高私有化價錢，定想私有化失敗，真係要買嗰個先知，利豐出價其實真係唔錯，04年12月上市招股價係3.5元，過去亦有穩定派息紀錄，私有化價錢對所有股東都有交代，而係21元以上買入的勇者，若然私有化失敗，就真係十個趣。
