年輕的強者

曼聯補時階段勝出曼徹斯特打吡戰，奧雲補時射入致勝一球，反曼聯的球迷一定認為補時過多，不過賽果不會改變，但對費格遜和奧雲來講可講意義重大。
首先費格遜今年買入奧雲，有人認為係賭博，從另一角度睇，可以係價值投資，5萬磅周薪係曼聯正選陣中只可以算一般，甚至算便宜，加上免轉會費，就算投資失敗亦都損失有限。對奧雲來講，今場最應該感謝的可能唔係傑斯，而係里奧的低級錯誤和入球的比拿美，如果唔係比拿美追成3比3，奧雲就算入球，只係錦上添花，意義不大，現在補時射入致勝一球，肯定會加強奧雲的自信心，有信心的球員作戰水準會提高，係今後的賽事起碼唔會踢到無影無踪，對其他球隊後衞來講，亦要由無需理會變為多加留意，可以話業績大反彈。
入球有了，現在奧雲最需要的，應該係減少受傷，爭取上陣機會，約基和舒靈咸當年的角色，奧雲應該可以做到，入選國家隊希望仍在。

康師傅（322）、騰訊（0700）、恒安國際（1044）、阿里巴巴（1688）、中國平安（2318）、蒙牛乳業（2319）、招商銀行（3968）一眾可以講係年輕的強者，全部都係創立時期短，受惠中國經濟增長，能夠把握市場的機遇，由無到有再變成增長強勁的企業，係未來的成長性可謂深不見底。
如果要分類的話，康師傅、恒安國際和蒙牛乳業可以係屬不受經濟周期影響的一類，從業績裏面顯示，經濟好時可以受惠銷售增長，經濟差時亦受惠原材料價格回落，雖然行業競爭激烈，但受惠市場不斷擴大，人均收入不斷增加，開始追求優質生活，而產品全部亦都係生活必須品，經濟起落的影響對盈利和估值都較小，係金融海嘯裏面，康師傅和恒安的估值都企穩在接近20倍PE，如果唔係毒奶呢類突發事件，要蒙牛股價大跌真的很困難，蒙牛現價市盈率只係預期20倍，相對康師傅和恒安預期的25至30倍，估值真係好平，係毒奶事件中受惠的維他奶（0345）雖然高息，但論增長潛力，投資價值真的不如蒙牛。
以上的企業有部份有少許國企背景，蒙牛受中糧入股，平安和招商係創立初期的大股東亦都係招商局，但係決策和管理上係比國有企業靈活。
內銀股中我一向最欣賞招商銀行，最大原因係國有銀行經過注資剝離不良資產之後上市，而招行的不良資產係自行處理，可以講係自力更新，對危機和風險的意識應該比國有銀行大。
恒指係現水平，個別優質股票仍然具有長持投資價值，上升空間比下跌空間大有渣打（2888）、宏利（0945），而領匯（0823）雖然領匯持續受TCI減持，不過股價下跌相對息率上升，減持總會完結，有人賣要有人買先可以成交，接近6厘股息，今年派息又會增加，唔明點解要買國債呢。

招商銀行的次級債

銀監會正在研究，擬對銀行相互持有的次級債務資本工具分年從附屬資本中扣減。
招商銀行於二零零八年九月四日在中國境內銀行間債券市場向機構投資者成功發行了總額為人民幣300億元的次級債券，當計算資本充足率時計入附屬資本。

2009年6月底永隆集團之綜合資本充足比率及核心資本充足比率分別為12.4%及10.7%，上半年的流動資金比率平均為56.8%。永隆銀行已於2009年7月14日發行港幣8億元之次級債券予招行，以擴大其資本基礎作業務發展之用。

招行交叉持有其他銀行的次級債，需要從附屬資本中扣減的有永隆銀行8億元之次級債券，雖然招行附屬資本裏面持有300億次級債券，但由於是自身發行是不需要扣除，就算新例通過對招行的影響亦好輕微。

至於主要商業銀行持有的次級債務和混合資本債務等監管資本不能超過核心資本的25%，其他銀行不能超過30%，如果招行最終供股集資額是220億元人民幣，加上09年招行盈利預測180億元，派息之後可以保留儲備130億元。招行的次級債佔核心資本比例或會由四成降至三成以下。

核心資本
已繳足普通股股本14,707
儲備67,759
核心資本總值82,466

供股22,000
09年可能保留儲備13,000

附屬資本
一般貸款準備16,115
定期次級債券30,200
可轉換公司債券2
其他附屬資本491
附屬資本總值46,808