中期業績

永久組合裏的人壽、平保、招行保持穩定增長。
人壽、平保係中期業績倒退，我相信只係暫時性，
今年係種種不利因素下，人壽倒退三成，平保只係輕微倒退。
比起上年爆發性的投資收益，今年的收益變得實在。
用前年來比的話，增長強勁。
投資股票比重兩保已下降至一成半，A股升跌影響漸少。
平保係增資平安人壽後，付償能力會改善。
招行發行300億息率介乎5-6厘次級債後，真正息差見頂。
相信收購永隆三年後，效益先會出現。
永久組合增長前景不變。

非永久組合
交行
首派中期息，係好開始。
同首季一樣，信貸成本上升，真係無改善過。失望

中移動
業績後股價再創新低，前景不明朗只係股價。
中移動係非永久組合原因，只係中移動將來會變成一隻真正的公用股。
將來我估應該係五年之後，
今年中移動經歷雪災、地震，好多設施破壞咗，
而營業額增長17.9%，除稅前利潤係增長三成，
稅後利潤增加44%，係因為稅率改革，
無改革的話亦都係增長三成。
假設中移動營業額增長不斷減慢，
五年後只係增長一成，係規模效應之下，
稅後利潤增長一成五係絕對無問題的。
假設係成立的話，中移動的盈利應該會去到年賺二千億人民幣。
息率真係好吸引，至於依家市場所謂前景不明朗。
中移3G最大問題都係手機種類少，因為制式問題。
但聽聞三星將會出的機種已經會有TD制式。
至於所謂打壓，除非中國唔想要自己制式的3G，
如果中移係3G上做不到規模效益的話，
只會變成聯通的CDMA。

思捷
業績後股價再創新低，不明朗因素比中移動更多。
因為歐洲有大量百貨公司結果，批發業務經歷重大考驗。
歐元滙價見價，反而係好事。
大行報話經常話，歐元滙價升對思捷盈利有幫助，
因為可以賺取滙率。
呢個觀點我估所有人都認為係啱，
但同一個漢堡包比美國貴五成，
歐元區的經濟又點會好呢。
依家歐元由高位回落，反而對歐元區經濟有幫助。
至少出口會好返好多，美國咪係用弱美元呢一招。
思捷依家先四十年，要做百年企業的話。
憑本身財務健全零負債，係絕對有能力捱過寒冬，保持繼續增長。